A tarifa 6.1TD é para subministracións en alta tensión cunha tensión de subministración entre 1 e 30 kV. Pódese contratar calquera potencia, sempre e cando teñamos dispoñibilidade por acometida e CIE (Certificado de Instalación Electrónica ou boletín).

A tarifa 6.1TD ten 6 períodos horarios que se organizan en temporadas (alta, media alta, media e baixa) definidas para os 12 meses do ano (pódelo ver nos gráficos dos horarios). Polo tanto, segundo o mes ou meses que inclúa o período facturado, incluiranse eses períodos horarios para a facturación de enerxía e excesos de potencia (se os houbese).

A potencia a facturar será sempre dos 6 períodos, tal e como está establecido na Circular 3/2020 publicada pola CNMC.

Podemos contratar a mesma potencia en todos os períodos, pero non é un requisito indispensable. Pódense contratar diferentes potencias, aínda que sempre deberán seguir unha orde igual ou ascendente de xeito que, se non contratamos a mesma potencia en todos os períodos, P6 sempre será a máis alta:

P1 ≤ P2 ≤ P3 ≤ P4 ≤ P5 ≤ P6

Nas tarifas 6.1TD, se superamos a potencia contratada, pódense dar dúas circunstancias:

– En subministracións con potencias ata 15 kW e que non estean catalogadas coma “Non interrompibles”, o ICP do contador realizará corte da subministración e será necesario rearmalo.

– En subministracións con potencia superior a 15 kW facturaranse excesos de potencia, do seguinte xeito.

Para subministracións con potencia contratada ata 50 kW (incluídos), facturaranse excesos por maxímetro. É dicir, calcularanse en función da potencia máxima consumida no período facturado.

· Para subministracións con potencia superior a 50 kW, facturaranse excesos cuarto horarios. É dicir, contabilizaranse cada cuarto de hora que se exceda a potencia contratada para o cálculo.

Se se exceden as potencias contratadas en moitos cuartos de hora ao mes, os excesos de potencia serán máis económicos co primeiro método de cálculo e viceversa.